【喜帖倒數5大時刻!】

邀請賓客出席您的婚宴,一同見證您的婚禮,大日子之前要製作紅色炸彈當然唔可以馬虎啦!驚印唔切結婚喜帖?製作喜帖五大倒數時刻你一定要知!

・婚前一年──喜帖設計                                

每年5-12月都係印帖旺季,建議提早預訂喜帖公司hold期印刷,其後才挑選喜帖設計款式及數量,一般需要 2個月設計及修改。      

                           

・婚前半年──準備喜帖資料及數量

為咗喜帖公司可以盡早排版及對帖,婚前半年落實婚期、行禮及婚宴地點後將喜帖資料交俾喜帖公司,帖上記得寫埋一位負責人的電話以便親友聯絡。另外婚前半年要擬定初步賓客名單,以便估計印帖數量。

・婚前5個月──對帖

確認大量印刷前要請印刷公司先印製一份帖作樣版,核對清楚喜帖格式設計及內容,特別是日期、地址、稱謂等。                                                  

・婚前4個月(過大禮前)──入帖包裝

收到製成品之後就要開始工廠女工程序,預留一星期入帖,一份入面執齊喜帖、利是、餅卡、回禮利是等item,之後就慎重咁逐一撰寫帖封。記得留意只有女家帖要入餅卡(男家帖毋須入餅卡)。

                                                  

・婚前1-3個月──派帖

傳統過大禮後才可以派帖,所以婚前三個月過大禮後新人就可以開始派帖。建議預先提醒父母向親戚親自派帖的時間,留意如果寄帖就要提前一個月寄出。     

                                             

My Seasons 婚禮顧問團隊為你籌備完美婚禮!My Wedding Professional 專業顧問團隊助您打造最美形象!在婚禮中大放光彩閃亮動人!

[以上Tips由My Seasons 婚禮顧問提供]

圖片來源:互聯網