戶外婚禮4大作戰密技

愈來愈多新人鍾意係戶外場地見證婚禮,又或者會趁住藍天白雲好天氣同一眾兄弟姊妹出門後去外影!而天清氣朗在戶外舉行婚禮,烈日當空下著住婚紗禮服對新人黎講更係又愛又恨,「防蚊降溫」妙招就要做到足啦!

  1. 做對防曬措施:勤補搽

戶外使用的高系數防曬乳係戶外婚禮必備嘅用品!無論系數有幾高嘅防曬乳,都需要勤補搽先達到效果,加上防曬乳會隨住汗液流失,出咗汗後防曬乳嘅流失速度就好快,唔密啲補搽就容易曬黑啦!

溫馨提示:質地厚嘅防曬乳會焗住肌膚,容易長痘痘的敏感肌新娘子記得揀隻質地輕透清爽嘅防曬乳!

  1. 流汗可能會走光

無論你係著深色定淺色系服裝,打底係必需嘅!婚禮最常見淺色系或粉色系嘅禮服,不論係新娘子定姊妹們稍稍出汗可能會透到nude bra甚至汗濕導致輕微走光,建議著打底tube,吸一吸汗之餘防汗印走光。

而著深色禮服唔想出汗有汗印咁尷尬?就更加要著打底啦!

  1. 刺激冷卻淋巴節

烈日當空下不妨搵冰涼的物品放係頸後面冷卻降溫,有效消暑止汗!

除咗頸部後方,鎖骨、腋下、膝蓋後方、大腿根部、手腕內側都可以抑制體溫上升架!

  1. 蚊怕水

係戶外花園/草地行婚禮唔想俾蚊同蠓咬到全身一點點紅印影相唔好睇,就一定要帶備含DEET(避蚊胺)嘅蚊怕水!

 

各位新人最好每隔一段時間到陰涼位置休息一下,補充水份再補補防曬,咁就唔怕熱到冇哂心機啦!

記得提埋各位兄弟姊妹同賓客做足「防蚊降溫」妙招呀!
想輕鬆有個戶外婚禮?My Seasons 婚禮顧問團隊為你籌備完美婚禮,更為你推介不同特色戶外婚禮場地!

推介場地:My Garden

 

推介場地:Sky Hall

推介場地:My Day

My Seasons四季薈獲得不少新人的正面評價和信任,婚禮套餐更包括婚紗禮服、攝影攝錄及證婚律師服務,有婚禮顧問協助籌備,讓你可以輕鬆打造完美戶外婚禮!

[以上Tips由My Seasons 婚禮顧問提供]

圖片來源:互聯網